POEMAS (en quechua, runasimipi, qheswasimipi):


URPICHAYKIS KARQAN
Kutimuy urpichay
Q’esachaykiman

Kindaña q’asa
Ichhuq chaupinpi
Q’esachaykiqa

Raprachaykiman
Waqsishanraqsi


LLAQTA
Riqch´arinqas
Puñushanmi,
Paqarinsi
Riqch´arinqa

Qaparinqas
Nanayninta
Kacharinqas
Weqeyninta

Musphayninqa
Ripullanqas
wayra, phuyus
qhatirinqa


UKUKU
Pakakuy!,Pakakuy!
apuq churinmi
urayamushan

ch’inllay!, ch’inllay!
uyarinmantaq, uyarinmantaq

ama ch’eqqmichu!
amapuni!

phawarinmantaq
p’itarinmantaq

k’uchuman
k’uchuman

lloqhaykuy, osqhay lloqhaykuy
t’eter sonqonman lloqhaykuy

ch’in kay
watunmantaq
samanmantaq


QOLQEYKIPI

Chullun rit'i
C’hakin mayu
Sansan hallp’a
Qolqeykiwan

Chullun ch’unchul
Ch’akin wiqsa
Sansan sonqo
Yaraqaypi
Qolqeyki-rayku


IKIRAQMI
Chaqnasqa
Chakatasqa
T´ankar kishka sach’a patapi
chuchus
chichu warmi

chaninta maskhaspa
yawar phosoqo
wat’akimushan



BIO/BIBLIO:

Upispatan paqarinay, Markapatataq llaqtay, Qheswasimita rimarikuspan wiñarqani, ancha kusisqan kani kay mishk´i simita rimarikuspa. Qhelqasqaypin willarikuyta munarini qhayna rikusqayta.



MENCIONADO POR:

Jorge Alejandro Vargas Prado